Ads 468x60px

Thursday, April 26, 2007

బరిణె

కలవారి గని అలంకారాలు గొనుట
పులి బోలదలిచి వాతల నింపు కొనుటె !

ఘనులు తమ సకియలను
మణులతో కై సేయ
ఆకు లలములె యెంకి
కాయె నా యిడు సరులు !
కలవారి...

ఆకుల పులపు సరులె
వే కనులలో కదిలె
మెప్పున మెరిసె కనులు
నిప్పల గురిసె మణులు !
కలవారి...

పనితన మనగ సఖులు
పనలేదనగ ఘనులు
పలువాయి సమరాల
నలిగె నాకుల సరులె !
కలవారి...

వెలవోని మా సరులు
నిలువ నీడ నొసంగి
స్వంతమటు నాచె నొక
వలపు పలుకుల వరిణె !
కలవారి...

నను గూడ నటె దాచు
మని పొగిలె నా యెంకీ !
కలవారి...


రచన : నండూరి సుబ్బారావు
ప్రచురణ: నవరత్న బుక్ హౌస్

0 comments:

Post a Comment

Share

Widgets