Ads 468x60px

Friday, June 22, 2007

ఎవరికోసం

ఎవరికోసం ఈ మందహాసం .. ఒక పరి వివరించవే
సొగసరీ … ఒక పరి వివరించవే
చెలిమికోసం చెలి మందహాసం .. ఏమని వివరింతును
గడుసరీ … ఏమని వివరింతును



ఆ..ఆ… ఆ, వలపులు చినికే వగలాడి చూపు
పిలువక పిలిచి విరహాలు రేపు
ఆ..ఆ…ఆ.. ఎదలో మెదలే చెలికాని రూపు
ఏవో తెలియని భావాల రేపు
ఈ నయగారం ప్రేమసరాగం … ఈ నయగారం ప్రేమసరాగం
అందించు అందరాని సంబరాలే … ఏ…ఏ….
ఎవరికోసం ఈ మందహాసం .. ఒక పరి వివరించవే
సొగసరీ … ఒక పరి వివరించవే



ఆ..ఆ… ఆ, పరుగులు తీసే జవరాలి వయసు
మెరుపై మెరసి మరపించు మనసు
ఆ..ఆ… ఆ, ప్రణయం చిందే సరసాల గంధం
ఇరువురినొకటిగ పెనవేయు బంధం
ఈ వయ్యారం ఈ సింగారం … ఈ వయ్యారం ఈ సింగారం
చిందించు చిన్ని చిన్ని వన్నెలెన్నో … ఓ…ఓ…
ఎవరికోసం ఈ మందహాసం .. ఒక పరి వివరించవే
సొగసరీ … ఒక పరి వివరించవే


ఆ…ఆ… ఆ…చెలిమికోసం చెలి మందహాసం .. ఏమని వివరింతును
గడుసరీ … ఏమని వివరింతును


చిత్రం : నర్తనశాల
గానం :ఘంటసాల, సుశీల
రచన: శ్రీశ్రీ
సంగీతం:సుసర్ల దక్షిణామూర్తి

0 comments:

Post a Comment

Share

Widgets