అహా నా పెళ్ళంట!!!

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట, ఓహొ నా పెళ్ళంట
నీకు నాకు చెల్లంట లోకమెల్ల గోలంట
టాం టాం టాం

వీరాధి వీరులంట ధరణీ కుబేరులంటా
భోరు భోరు మంటు మా పెళ్ళివారు వచ్చిరంట
వీరాధి వీరులంట ధరణి కుబేరులంట
భోరు భోరు మంటు మా పెళ్ళివారు వచ్చిరంట
అబ్బబ్బబ్బబ్బబ్బబ్బబ్బబ్బబ్బో
హహ్హహ్హహ్హ

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట, ఓహొ నా పెళ్ళంట
నీకు నాకు చెల్లంట లోకమెల్ల గోలంట
టాం టాం టాం

బాలా కుమారులంట చాలా సుకుమారులంట
బాలా కుమారులంట చాలా సుకుమారులంట
పెళ్ళికొడుకు నన్ను చూసి మురిసి మూర్ఛ పోవునంట
అయ్యయ్యయ్యయ్యయ్యయ్యయ్యయ్యో
హహ్హహ్హహ్హ

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట, ఓహొ! నా పెళ్ళంట
నీకు నాకు చెల్లంట లోకమెల్ల గోలంట
టాం టాం టాం


తాళిగట్ట వచ్చునంట
తాళిగట్ట వచ్చునంట తగని సిగ్గునాకంట
సా ద ని స మ మ మా ప ద ప మ గ
తాళిగట్ట వచ్చునంట..
పపప ద మమమ ప దదద మరిగమప
తాళిగట్ట వచ్చునంట..
తథొం థొం థొం థొం! తక ధీం ధీం ధీం
థక థొం థక ధీం థ
అటు తంతాం ఇటు తంతాం
తంతాంతంతాం తాం
స ని ద ప మ గ రి స

తాళిగట్ట వచ్చునంటా
తాళిగట్ట వచ్చునంటా తగని సిగ్గునాకంట
మేలిముసుగు చాటుతీసి దాగుడు మూతలాడునంట

అహహహహహ, అహహహహహ, ఆహహహహహహహహ

చిత్రం : మాయాబజార్
గానం : ఘంటసాల, పి.సుశీల
రచన : పింగళి
సంగీతం :ఘంటసాల

అందలం ఎక్కాడమ్మా !!

అందలం ఎక్కాడమ్మా
అందకుండపోయాడమ్మా
ఇంతవాడు ఇంతకు ఇంతై
ఎంతో ఎదిగిపోయాడమ్మా

నిన్నరేతిరి తాను పొన్నచెట్టు నీడ
నిన్నరేతిరి తాను పొన్నచెట్టు నీడ
ఎన్ని ఊసులో చెప్పి ఎన్ని బాసలో చేసి
ఎన్ని ఊసులో చెప్పి ఎన్ని బాసలో చేసి
ఒడిలోన ఒదిగినాడమ్మా..ఆ..ఆ..
నా ఎదనిండా నిండినాడమ్మా ..ఆ..ఆ..

అందలం ఎక్కాడమ్మా
అందకుండపోయాడమ్మా
ఇంతవాడు ఇంతకు ఇంతై
ఎంతో ఎదిగిపోయాడమ్మా

ఆమాటలకు నేను మైమరిచిపోయాను
ఆ మత్తులో కాస్త కనుమూసి ఒరిగాను
భళ్లునా తెల్లారిపోయెనమ్మాఓ . .
ఒళ్ళు ఝల్లున చల్లారిపోయెనమ్మా
" అందాన్ని చూశానమ్మా
అందలం ఎక్కానమ్మా
ఎంతవాణ్ణి ఎంతైనా
నే నీలో ఇమిడిపోతానమ్మా "

అందలం ఎక్కాడమ్మా
అందకుండపోయాడమ్మా
ఇంతవాడు ఇంతకు ఇంతై
ఎంతో ఎదిగిపోయాడమ్మా

చిత్రం : దాగుడుమూతలు
గానం : పి.సుశీల
రచన : దాశరథి
సంగీతం:కె.వి.మహదేవన్

ఏవండోయ్ శ్రీవారు..

ఏవండోయ్ శ్రీవారు ఒక చిన్నమాట
ఏ ఊరు వెళతారు ఏది కాని వేళ
ఏవండోయ్ శ్రీవారు ఒక చిన్నమాట
ఏ ఊరు వెళతారు ఏది కాని వేళ
ఏవండోయ్... హొయ్

పసివాని చూచుటకీ తొందర
మైమరిచి ముద్దాడి లాలింతుర
లులులుల ఆయి లులులుల ఆయి
ఉహు ఉహు ఉహు ఉహు
పసివాని చూచుటకీ తొందర
మైమరిచి ముద్దాడి లాలింతుర
శ్రీమతికి బహుమతిగ ఏమిత్తురో
ఇచ్చేందుకు ఏముంది మీదగ్గర

ఏవండోయ్...
ఏవండోయ్ శ్రీవారు ఒక చిన్నమాట
ఏ ఊరు వెళతారు ఏది కాని వేళ
ఏవండోయ్ హొయ్

అబ్బాయి పోలిక ఈ తండ్రిదా
అపురూపమైన ఆ తల్లిదా
ఒహొహొ ఓ
అబ్బాయి పోలిక ఈ తండ్రిదా
అపురూపమైన ఆ తల్లిదా
అయగారి అందాలు రానిచ్చినా
ఈ బుద్ది రానీకు భగవంతుడా...

ఏవండోయ్....
ఏవండోయ్ శ్రీవారు ఒక చిన్నమాట
ఏ ఊరు వెళతారు ఏది కాని వేళ
ఏవండోయ్ హొయ్

ప్రియమైన మా ఇల్లు విడనాడి పోతే
తలదాచుకొన మీకు తావైన లేదే
అయ్యో పాపం
ప్రియమైన మా ఇల్లు విడనాడి పోతే
తలదాచుకొన మీకు తావైన లేదే
కపటాలు మానేసి నా మదిలోన
కపటాలు మానేసి నా మదిలోన
కాపురము చేయండి కలకాలము

ఏవండోయ్ శ్రీవారు ఒక చిన్నమాట
ఏ ఊరు వెళతారు ఏది కాని వేళ
ఏవండోయ్ హొయ్ హొయ్ హొయ్

చిత్రం : మంచిమనసులు
గానం : పి.సుశీల
సంగీతం:కె.వి.మహదేవన్
రచన : ఆరుద్ర

నిన్ను చూడనీ...

నిన్ను చూడనీ నన్ను పాడనీ
ఇలావుండిపోనీ నీ చెంతనే...
నిన్ను చూడనీ

ఈ కనులు నీకే ఈ కురులు నీకే
నా తనువులోని అణువు అణువు నీకే
ఈ కనులు నీకే ఈ కురులు నీకే
నా తనువులోని అణువు అణువు నీకే
ఇలావుండిపోనీ నీ దాసినై...

నిన్ను చూడనీ నన్ను పాడనీ
నిన్ను చూడనీ

నీవులేని నేను ఇంక బ్రతకలేను
ఎన్నడైనగాని నిన్ను విడువలేను
నీవులేని నేను ఇంక బ్రతకలేను
ఎన్నడైనగాని నిన్ను విడువలేను
ఇలారాలిపోనీ నీ కోసమే....

నిన్ను చూడనీ నన్ను పాడనీ
ఇలావుండిపోనీ నీ చెంతనే...
నిన్ను చూడనీ

చిత్రం : మనుషులు మమతలు
గానం : పి.సుశీల
రచన : దాశరథి
సంగీతం: టి.చలపతిరావ్

వ్రేపల్లియ ఎద ఝల్లున పొంగిన రవళి

వ్రేపల్లియ ఎద ఝల్లున పొంగిన రవళీ
నవరస మురళీ..ఆనందన మురళీ
ఇదేనా ఇదేనా ఆ మురళి..మొహనమురళీ
ఇదేనా ఆ మురళీ
వ్రేపల్లియ ఎద ఝల్లున పొంగిన రవళీ
నవరస మురళీ..ఆనందన మురళీ
ఇదేనా ఇదేనా ఆ మురళి..మొహనమురళీ
ఇదేనా ఆ మురళీ
కాళింది మడుగునా కాళియుని పడగలా
ఆబాల గోపాల మాబాల గోపాలుని
కాళింది మడుగునా కాళియుని పడగలా
ఆబాల గోపాల మాబాల గోపాలుని
అచ్చెరువున అచ్చెరువున విచ్చిన కన్నులజూడ
అచ్చెరువున అచ్చెరువున విచ్చిన కన్నులజూడ
తాండవమాడిన సరళి గుండెల మ్రోగిన మురళి
ఇదేనా..ఇదేనా ఆ మురళీ

అనగల రాగమై తొలుత వీనులలరించి
అనలేని రాగమై మరలా వినిపించీ మరులే కురిపించి
అనగల రాగమై తొలుత వీనులలరించి
అనలేని రాగమై మరలా వినిపించీ మరులే కురిపించి
జీవన రాగమై బృందావన గీతమై
ఆ.. జీవన రాగమై బృందావన గీతమై
కన్నెల కన్నుల కలువల వెన్నెల దోచిన మురళి
ఇదేనా.. ఇదేనా ఆ మురళీ

వేణుగానలోలుని మురిపించిన రవళి..
నటనల సరళి ఆ నందనమురళీ
ఇదేనా ఆ మురలి మువ్వల మురళీ
ఇదేనా ఆ మురళీ

మధురానగరిలో యమునా లహరిలో
ఆ రాధ ఆరాధనా గీతి పలికించి
మధురానగరిలో యమునా లహరిలో
ఆ రాధ ఆరాధనా గీతి పలికించి
సంగీత నాట్యాల సంగమ సుఖ వేణువై
ఆ..ఆ..ఆసంగీత నాట్యాల సంగమ సుఖ వేణువై
రాసలీలకే ఊపిరిపోసిన అందెల రవళి
ఇదేనా..ఇదేనా ఆ మురళీ

వ్రేపల్లియ ఎద ఝల్లున పొంగిన రవళీ
నవరస మురళీ..ఆనందన మురళీ
ఇదేనా ఇదేనా ఆ మురళి..మొహనమురళీ
ఇదేనా ఆ మురళి..

చిత్రం : సప్తపది
గానం : పి.సుశీల
రచన : వేటూరి
సంగీతం : కె.వి.మహదేవన్

ఆనతినీయరా హరా!

ఆనతినీయరా! హరా!సన్నుతి సేయగా,
సమ్మతి నీయరా, దొరా! సన్నిధి జేరగా,
ఆనతినీయరా, హరా!సన్నుతి సేయగా,
సమ్మతి నీయరా, దొరా! సన్నిధి జేరగా,
ఆనతినీయరా! హరా!

నీ ఆన లేనిదే, రచింపజాలునా వేదాల వాణితో విరించి విశ్వ నాటకం?
నీ సైగ కానిదే, జగాన సాగునా ఆ యోగమాయతో మురారి దివ్యపాలనం?
వసుమతిలో ప్రతీ క్షణం పసుపతి నీ అధీనమై,
వసుమతిలో ప్రతీ క్షణం పసుపతి నీ అధీనమై,
కదులునుగా సదా సదాశివ!
ఆనతినీయరా! హరా!

ని ని స ని ప నీ ప మ గ స గ

ఆనతి నీయరా!
అచలనాధ అర్చింతునురా!
ఆనతినీయరా!

పమ పని పమ పని పమ పని గమ పని
సని సగ సని సగ సని సగ పని సగ
గమగసా నిపమ గమగస సగసని


ఆనతినీయరా!
జంగమ దేవర సేవలు గొనరా!!
మంగళ దాయక దీవెనలిడర!
సాష్ఠాంగముగ దండము సేతురా!
ఆనతినీయరా!

సానిప గమపానిపమ

గమగ పాప పప
మపని పాప పప
గగమ గాస సస
నిసగ సాస సస
సగ గస గప పమ పస నిస
గసని సాగ సాగ
సని సాగ సాగ
సగ గాస సాస
సని సాగ గ
గసగ గా
పద గస గా స ని పమగమ గా


ఆనతినీయరా!
శంకరా! శంకించకురా!
వంక జాబిలిని జడను ముడుచుకొని,
విసపు నాగులను చంకనెత్తుకొని,
నిలకడనెరుగని గంగనేలి, ఏ వంకలేని నా వంకనొక్క
కడగంటి చూపు పడనీయవేమి నీ కింకరుణిక సేవించుకొందురా!
ఆనతినీయరా!

పప పమప నినిపమగస గగ
పప పమప నినిపమగస గ
గమపని గా మపనిస మా పనిసగ
నీ స పా ని మా ప గా మ సా గామ
పప పమప నినిపమగస గగ
గమపని గా మపనిస మా
పనిసగ నీ స పా ని మా ప గా మ సా గా మ
పప పమప నినిపమగస గగా
గమపని గమపని స మపనిసగని
గమపని గమపని స మపనిసగని
స పని మ ప గ మ సా గా మ
పప పమప నినిపమగస గ గ
గామాపని గమాపాని స మపానీసగని
సపని మ ప గ మ సా గా మ
పప పమప నినిపమగస గ గా గా
గగ మమ పప నిగ తక తకిట తకధిమ
మమ పప నినిసమ తక తకిట తకధిమి
పపనినిసస గని తక తకిట తకధిమి
సపని మప గమ సగమ
పప పమప నినిపమగస గ గా


రక్షా! ధర శిక్షా దీక్షా దక్ష!
విరూపాక్ష! నీ క్రుపా-వీక్షణాపేక్షిత ప్రతీక్షనుపేక్ష సేయక,
పరీక్ష సేయక, రక్ష రక్ష యను ప్రార్ధన వినరా!
ఆనతినీయరా! హరా!సన్నుతి సేయగా,
సమ్మతి నీయరా, దొరా! సన్నిధి జేరగా,
ఆనతినీయరా, హరా!

చిత్రం : స్వాతికిరణం
గానం : వాణిజయరాం

ప్రతిదినం నీ దర్శనం

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదూ

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదూ

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా !!

నిదురే రాదూ..రాత్రంతా కలలు నేసె నాకూ
వినగలనంటే తమషాగ ఒకటి చెప్పనా ?
చెప్పు !

ఇంద్రధనసు కిందా కూర్చుని మాట్లాడదాం
అలాగే చందమామతోటి కులాసా ఊసులాడదాం

వింటూంటే వింతగా ఉంది కొత్తగా ఉంది ఏమిటీ కధనం

పొరపాటు..కధకాదు..
గతజన్మలోన జాజిపూల సువాసనేమో !

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదు

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా

పూవుల నదిలో..అందం గా నడుచుకుంటు పోనా
ఊహల రచనే.. తీయంగా చేసి తిరిగి రానా
వెన్నెల పొడిని నీ చెంపలకి రాసి చూడనా
సంపంగి పూల పరిమళం వయసుకీ అద్ది ఆడనా

అదేంటో మైకమే నను వదలినా పొద జరగదూ నిజమో

జడివానా..కురవాలీ..
ఎదలోయలోకి జారి పోయి దారి చూడూ

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా జరపనా
నిను చూడలేని రోజు నాకు రోజు కాదు

ప్రతిదినం నీ దర్శనం మరి దొరకునా దొరకునా
క్షణక్షణం నీ అర్చనం ఇక జరపనా

చిత్రం : అనుమానాస్పదం
గానం : ఉన్నికష్ణన్, శ్రేయ ఘోషాల్
రచన : వంశీ

తకిట తదిమి తకిట తదిమి తందాన

తకిట తదిమి తకిట తదిమి తందాన
హృదయలయల జతుల గతుల తిల్లాన
తడబడు అడుగుల తప్పని తాళాల
తడిసిన పెదవుల రేగిన రాగాల
శృతిని లయని ఒకటి చేసి

తకిట తదిమి

నరుడి బ్రతుకు నటన ఈశ్వరుడి తలపు ఘటన
ఆ రెంటి నట్ట నడుమ నీకెందుకింత తపన
నరుడి బ్రతుకు నటన ఈశ్వరుడి తలపు ఘటన
ఆ రెంటి నట్ట నడుమ నీకెందుకింత తపన
తెలుసా మనసా నీకిది తెలిసీ అలుసా
తెలిసీ తేలియని ఆశల వయసే వరసా
తెలుసా మనసా నీకిది తెలిసీ అలుసా
తెలిసి తేలియని ఆశల లలలలలలా
ఏటిలోని అలలవంటి కంటి లోని కలలు కదిపి గుండియలను అందియలుగ చేసీ

తకిట తదిమి

పలుకు రాగ మధురం నీ బ్రతుకు నాట్య శిఖరం
సప్తగిరులు గా వెలిసే సుస్వరాల గోపురం
పలుకు రాగ మధురం నీ బ్రతుకు నాట్య శిఖరం
సప్తగిరులు గా వెలిసే సుస్వరాల గోపురం
అలరులు కురియగ నాడెనదే అలకల కులుకుల అలమేల్ మంగా
అలరులు కురియగ నాడెనదే అలకల కులుకుల అలమేల్ మంగా
అన్న అన్నమయ్య మాట అచ్చ తేనె తెలుగు పాట పల్లవించు పద కవితలు పాడి

తకి్ట తదిమి

చిత్రం : సాగరసంగమం
గానం : ఎస్.పి.బలసుబ్రహ్మణ్యం
సంగీతం : ఇళయరాజా

నాదవినోదం నాట్యవిలాసం

వాగర్థావివ సంపృక్తౌ వాగర్థ ప్రతిపత్తయే
జగతః పితరౌ వందే పార్వతీ పరమేశ్వరౌ !!

నాదవినోదము నాట్యవిలాసము పరమ సుఖము పరము
అభినయ వేదము సభకనువాదము సలుపు పరమ పదమూ
భావములో ఆ.. భంగిమలో ఆ.. గానములో ఆ.. గమకములో ఆ...
భావములో భంగిమలో గానములో గమకములోఆంగికమౌ తపమీ గతి సేయ
నాదవినోదము నాట్యవిలాసము పరమ సుఖము పరము
అభినయ వేదము సభకనువాదము సలుపు పరమ పదమూ
ఆ..ఆ..ఆ......... !!

కైలాసాన కార్తీకాన శివ రూపం
ప్రమిదే లేని ప్రమధాలోక హిమదీపం
కైలాసాన కార్తీకాన శివ రూపం
ప్రమిదే లేని ప్రమధాలోక హిమదీపం
నవరస నటనం .. ద ని స రి స ని స
జతియుత గమనం .. ద ని స రి స ని స
నవరస నటనం జతియుత గమనం
సితగిరి చలనం సురనది పయనం
భరతమైన నాట్యం .. ఆ....
బ్రతుకు నిత్య నృత్యం .. ఆ
భరతమైన నాట్యం .. ఆ....
బ్రతుకు నిత్య నృత్యం .. ఆ
తపనుని కిరణం తామస హరణం
తపనుని కిరణం తామస హరణం
శివుని నయన త్రయలాశ్యం
ధిరన ధిరననన తకిట తకిటతధిమి
ధిరన ధిరననన నాట్యం
ధిరన ధిరననన తకిట తకిటతధిమి
ధిరన ధిరననన లాస్యం
నమక చమక సహజం ..ఝం
నటప్రకృతీ పాదజం .. ఝం
నర్తనమే శివకవచం .. చం
నటరాజ పాద సుమరజం .. ఝం
ధిరనన ధిరనన ధిరనన ధిరననధిర ధిర ధిర ధిర ధిర ధిర..
నాదవినోదము నాట్యవిలాసము పరమ సుఖము పరము
అభినయ వేదము సభకనువాదము సలుపు పరమ పదమూ ఆ..ఆ..ఆ !!

చిత్రం : సాగరసంగమం
గానం: ఎస్.పి.బాలసుబ్రమణ్యం, ఎస్.పి.శైలజ
సంగీతం: ఇళయరాజా

ఏడ తానున్నాడో బావ

ఆకాశ వీధిలో హాయిగా ఎగిరేవు
దేశ దేశాలన్ని తిరిగి చూసేవు
ఏడ తానున్నాడో బావ
ఏడ తానున్నాడో బావ
జాడ తెలిసిన పోయిరావా
అందాల ఓ మేఘమాల
అందాల ఓ మేఘమాల

గగనసీమల ఓ మేఘమాల
మా ఊరు గుడి పైన మసలి వస్తున్నావా
మల్లి మాటేదైన నాతో మనసు చల్లగా చెప్పి పోవా
నీలాల ఓ మేఘమాల ఆ రాగాల ఓ మేఘమాల

మమత తెలిసిన మేఘమాల
మమత తెలిసిన మేఘమాల
నా మనసు బావకు చెప్పి రావా
ఎన్నాళ్లు నా కళ్లు దిగులుతో రేపవలు
ఎన్నాళ్లు నా కళ్లు దిగులుతో రేపవలు
ఎదురుతెన్నులు చూచెనే బావకై
చెదిరి కాయలు కాచెనే
ఏ అందాల ఓ మేఘమాల ఆ
అందాల ఓ మేఘమాల

మనసు తెలిసిన మేఘమాల
మరువలేనని చెప్పలేవా
మల్లితో మరువలేనని చెప్పలేవా
కళ్లు తెరచినగాని కళ్లు మూసినగాని
కళ్లు తెరచినగాని కళ్లు మూసినగాని
మల్లి రూపే నిలిచెనే
నా చెంత మల్లి మాటే పిలిచెనే

జాలి గుండెల మేఘమాల
బావ లేనిది బ్రతుకజాల
జాలి గుండెల మేఘమాల
కురియు నా కన్నీరు గుండెలో దాచుకొని
వానజల్లుగ కురిసిపోవా కన్నీరు
ఆనవాలుగా బావమోల

చిత్రం : మల్లీశ్వరి
గానం : ఘంటసాల, భానుమతి

పిలిచినా బిగువటరా...

పిలిచినా బిగువటరా ఔరౌరా
పిలిచినా బిగువటరా ఔరౌరా
పిలిచినా బిగువటరా ఔరౌరా
చెలువలు తామే వలచి వచ్చిన
పిలిచినా బిగువటరా ఔరౌరా
చెలువలు తామే వలచి వచ్చిన
భళిరా రాజా ఆ

ఈ నయగారము ఈ వయ్యారము
ఈ నయగారము ఈ వయ్యారము
ఈ నవ యవ్వన మారం వినునే
పిలిచినా బిగువటరా
ఈ నయగారము ఈ వయ్యారము
ఈ నవ యవ్వన మారం వినునే
పిలిచినా బిగువటరా

గాలుల తేనెల వాడని మమతల
గాలుల తేనెల వాడని మమతల
నీలపు మబ్బుల నీడను గననను
అందెల రవళుల సందడి మరిమరి
అందెల రవళుల ఆ ఆ ఆ ఆ ఆ ఆ ఆ
అందెల రవళుల సందడి మరిమరి
అందగాడా ఇటు తొందర చేయగా
అందగాడా ఇటు తొందర చేయగా

పిలిచినా బిగువటరా ఔరౌరా
పిలిచినా బిగువటరా

చిత్రం : మల్లీశ్వరి
గానం : భానుమతి రామకృష్ణ

రాజశేఖరా నీపై మోజు తీరలేదురా

మదన మనోహర సుందర నారి
మధుర ధరస్మిత నయనచకోరి
మందగమన జిత రాజమరాళి
నాట్యమయూరి ఈ ఈ ఈ ఈ ఈ
అనార్కలి అనార్కలి అనార్కలి

ఆ ఆ ఆ ఆ ఆ ఆ ఆ ఆ ఆ ఆ అ అ
రాజశేఖరా నీపై మోజు తీరలేదురా
రాజసాన ఏలరా
రాజశేఖరా నీపై మోజు తీరలేదురా
రాజసాన ఏలరా
ఆ ఆ ఆ ఆ ఆ ఆ ఆ రాజశేఖరా
రాజశేఖరా నీపై మోజు తీరలేదురా
రాజసాన ఏలరా
రాజశేఖరా

మనసు నిలువ నీదురా
మమత మాసిపోదురా
మనసు నిలువ నీదురా
మమత మాసిపోదురా
మధురమైన బాధరా
మరపురాదు ఆ ఆ ఆ ఆ

రాజశేఖరా నీపై మోజు తీరలేదురా
రాజసాన ఏలరా
రాజశేఖరా

కానిదాన కాదురా కనులనైన కానరా
కానిదాన కాదురా కనులనైన కానరా
జాగుసేయనేలరా వేగ రావదేలరా
జాగుసేయనేలరా వేగ రావదేలరా
వేగ రార వేగ రార వేగ రార


చిత్రం: అనార్కలి
గానం : ఘంటసాల, జిక్కి

కలవరమాయే మదిలో నా మదిలో

కలవరమాయే మదిలో నా మదిలో
కలవరమాయే మదిలో నా మదిలో
కన్నులలొనే కలలే ఆయే మనసే ప్రేమ మందిరమాయే
కలవరమాయే మదిలో నా మదిలో

కలవరమాయే మదిలో నా మదిలో
కన్నులలోన గారడి ఆయే మనసే పూలమంటపమాయే
కలవరమాయే మదిలో నా మదిలో

నాలో ఏమొ నవభావనగా మెల్లన వీణ మ్రోగింది
నాలో ఏమొ నవభావనగా మెల్లన వీణ మ్రోగింది
అనురాగాలే ఆలాపనగా మనసున కోయిల కూసే
కలవరమాయే మదిలో నా మదిలో

నాలో ఏమొ నవరసరాగం పిల్లనగ్రోవి ఊదింది
నాలో ఏమొ నవరసరాగం పిల్లనగ్రోవి ఊదింది
మోహాలేవో మోజులు రేపి ఊహాగానం చేసే
కలవరమాయే మదిలో నా మదిలో

కన్నులలొనే కలలే ఆయే మనసే ప్రేమ మందిరమాయే
కలవరమాయే మదిలో నా మదిలో
కలవరమాయే మదిలో నా మదిలో

చిత్రం :పాతాళభైరవి
గానం :ఘంటసాల,పి.లీల

జననీ శివకామిని

అమ్మా ఆ ఆ ఆ
అమ్మా ఆ ఆ ఆ
జనని శివకామిని జయశుభకారిణి విజయరూపిణి
జనని శివకామిని జయశుభకారిణి విజయరూపిణి
జనని శివకామిని

అమ్మవు నీవే అఖిల జగాలకు
అమ్మల గన్న అమ్మవు నీవే
అమ్మవు నీవే అఖిల జగాలకు
అమ్మల గన్న అమ్మవు నీవే
నీ చరణములే నమ్మితినమ్మా
నీ చరణములే నమ్మితినమ్మా
శరణము కోరితి నమ్మా భవాని

జనని శివకామిని జయశుభకారిణి విజయరూపిణి
జనని శివకామిని

నీదరినున్న తొలగు భయాలు
నీదయలున్న కలుగు జయాలు
నీదరినున్న తొలగు భయాలు
నీదయలున్న కలుగు జయాలు
నిరతము మాకు నీడగ నిలచి
నిరతము మాకు నీడగ నిలచి
జయము నీయవే అమ్మా
జయము నీయవే అమ్మా భవాని

జనని శివకామిని జయశుభకారిణి విజయరూపిణి
జనని శివకామిని

చిత్రం :నర్తనశాల
గానం :పి.సుశీల

కాశీకి పోయాను రామాహరి..

కాశీకి పోయాను రామా హరి
గంగ తీర్థమ్ము తెచ్చాను రామా హరి
గంగ తీర్థాము తెచ్చాను రామా హరి
కాశికి పోలేదు రామా హరీ
ఊరి కాల్వలో నీళ్ళండి రామ హరి
మురుగు కాల్వలో నీళ్ళండి రామా హరి


శ్రీశైలమెళ్ళాను రామా హరి
శివుని విభూది తెచ్చాను రామా హరి
శివుని విభూది తెచ్చాను రామా హరి
శ్రీశైలం పోలేదు రామా హరి
శివుని విభూది తేలేదు రామా హరి
ఇది కాష్టంలో బూడిద రామ హరి

అన్నమక్కరలేదు రామా హరి
నేను గాలి భోంచేస్తాను రామా హరి
ఉత్త గాలి భోంచేస్తాను రామా హరి
గాలితో పాటుగా రామ హరి
వీరు గారెలే తింటారు రామా హరి
నేతి గారెలే తింటారు రామా హరి

కైలాసమెళ్ళాను రామా హరి
శివుని కళ్ళార చూసాను రామా హరి
రెండు కళ్ళార చూసాను రామా హరి
కైలాసమెళితేను రామా హరి
నంది తన్ని పంపించాడు రామా హరి
బాగ తన్ని పంపించాదు రామా హరి

ఆలుబిడ్డలు లేరు రామా హరి
నేను ఆత్మయోగినండి రామా హరి
గొప్ప ఆత్మయోగినండి రామా హరి
ఆ మాట నిజమండి రామా హరి
నేను అందుకే వచ్చాను రామా హరి
నేను అందుకే వచ్చాను రామా హరి

చిత్రం :అప్పు చేసి పప్పు కూడు
గానం :ఘంటసాల, స్వర్ణలత

పాడుతా తీయగా చల్లగా

పాడుతా తీయగా చల్లగా పసి పాపలా నిదరపో తల్లిగా బంగారు తల్లిగా
పాడుతా తీయగా చల్లగా

కునుకు పడితె మనసు కాస్త కుదుట పడతది
కుదుట పడ్డ మనసు తీపి కలలు కంటది
కునుకు పడితె మనసు కాస్త కుదుట పడతది
కుదుట పడ్డ మనసు తీపి కలలు కంటది
కలలె మనకు మిగిలిపోవు కలిమి చివరకూ
కలలె మనకు మిగిలిపోవు కలిమి చివరకూ
ఆ కలిమి కూడ దోచుకునే దొరలు ఎందుకూ

పాడుతా తీయగా చల్లగా పసి పాపలా నిదరపో తల్లిగా బంగారు తల్లిగా
పాడుతా తీయగా చల్లగా

గుండె మంటలారిపే సన్నీళ్ళు కన్నీళ్ళు
ఉండమన్న ఉండవమ్మా సాన్నాళ్ళు
గుండె మంటలారిపే సన్నీళ్ళు కన్నీళ్ళు
ఉండమన్న ఉండవమ్మా సాన్నాళ్ళు
పోయినోళ్ళూ అందరూ మంచోళ్ళూ
పోయినోళ్ళూ అందరూ మంచోళ్ళూ
ఉన్నోళ్ళూ పోయినోళ్ళ తీపి గురుతులు

పాడుతా తీయగా చల్లగా పసి పాపలా నిదరపో తల్లిగా బంగారు తల్లిగా
పాడుతా తీయగా చల్లగా

మనిషిపోతె మాత్రమేమి మనసు ఉంటది
మనసుతోటి మనసెపుడో కలసిపోతది
మనిషిపోతె మాత్రమేమి మనసు ఉంటది
మనసుతోటి మనసెపుడో కలసిపోతది
చావు పుటక లేనిదమ్మ నేస్తమన్నది
చావు పుటక లేనిదమ్మ నేస్తమన్నది
జనమ జనమకది మరీ గట్టిపడతది

పాడుతా తీయగా చల్లగా పసి పాపలా నిదరపో తల్లిగా బంగారు తల్లిగా
పాడుతా తీయగా చల్లగా

చిత్రం : మూగమనసులు
గానం : ఘంటసాల