ప్రియురాల సిగ్గేలనే..

ప్రియురాల సిగ్గేలనే నీ మనసేలు మగవాని చేరి -2

నాలోన ఊహించినా కలలీనాడు ఫలియించెస్వామి -2

ఏమి ఎరుగని గోపాలునకు ప్రేమలేవో నెరిపినావు -2
మనసుధీర పలుకరించి మా ముద్దు ముచ్చట్లు చెల్లించవే//ప్రి//

ప్రేమలు తెలిసి దేవుడవని విని నా మదిలోనే కొలిచితిని
స్వామిని నీవని తలచి నీకే బ్రతుకు కానుక చేసితిని//నాలో//

సమయానికి తగు మాటలు నేర్చిన సరసురాలవు ఓ భామా
ఇప్పుడేమన్నా ఒప్పనులే ఇక ఎవరేమన్నా తప్పదులే //ప్రి//

చిత్రం : శ్రీకృష్ణ పాండవీయం
గానం : ఘంటసాల, పి.సుశీల

ఎవ్వరికోసం ఈ మందహాసం

ఎవ్వరికోసం ఈ మందహాసం ఒకపరి వివరింపవే
సొగసరి ఒకపరి వివరింపవే

చెలిమికోసం చెలిమందహాసం ఏమని వివరింతునొ
గడుసరి ఏమని వివరింతునో

వలపులు చిలికే వగలాడి చూపు
పిలువక పిలిచి విరహాల రేపు

యెదలో మెదలే చెలికానిరూపు
ఏదో తెలియని భావాల రేపు

ఈ నయగారం ప్రేమ సరాగం
అందించు అందరాని సంబరాలే //ఎవ్వరి//

పరుగులు తీసె జవరాలి వయసు
మెరుపై మెరిసి మరపించు మనసు

ప్రణయం చిందే సరసాల బంధం
ఇరువురి నొకటిగ పెనవేయు బంధం
ఈ వయ్యారం ఈ సింగారం
ఈ వయ్యారం ఈ సింగారం
చిందించుచిన్ని చిన్ని వన్నెలెన్నో //ఎవ్వరి//

చిత్రం : నర్తనశాల
గానం : ఘంటసాల, పి.సుశీల

రేపంటి రూపం కంటే

రేపంటి రూపం కంటే పూవంటి చూపులవంటి
నీకంటి చూపుల వెంట నా బ్రతుకంటె

రేపంటి వెలుగెకంటి పూవంటి దొరవే కంటె
నా కంటి కలలూ కళలూ నీ సొమ్మంటె
నా తోడు నీవై వుంటే నీ నీడ నేనేనంటె
ఈ జంట కంటే వేరు లేనే లేదంటె

నీమీద ఆశలువుంచి ఆపైన కోరిక పెంచి -2
నీకోసం రేపూ మాపూ వుంటివి పొమ్మంటె

నే మల్లెపూవై విరిసి నీ చల్లని జడలో వెలసి
నీ చల్లని నవ్వుల కలవుంటె చాలంటె..

నీ కాలి మువ్వల రవళి నా భావి మోహనమురళి
ఈ రాగ సరళీ తరలి పోదాం రమ్మంటె //రేపంటి//
నీలోన మగసిరితోటి నాలోన సొగసుల పోటీ
నేయించి నేవోడిపోని పొమ్మంటె
నాలోని నీవే గెలిచి నీ గెలుపు నాదని తెలిసి-2
రాగాలు రంజిలు రాజే రాణి రమ్మంటె //రేపంటి//

చిత్రం : మంచిచెడు
గానం : ఘంటసాల, పి.సుశీల

మనసు పరిమళించెనే

మనసు పరిమళించెనే తనువు పరవశించెనే
నవవసంత గానముతో నీవు చెంత నిలువగనే

మనసు పరిమళించెనే తనువు పరవశించెనే
నవవసంత గానముతో నీవు నటన సేయగనే

నీవు నాకు స్వాగతమనగా కోయిలమ్మ కూయగా
గల గల గల సెలయేరులలొ కలకలములు రేగగా

కొత్త పూల నెత్తావులలో మత్తుగాలి వీచగా
భ్రమరమ్ములు గుబుగుబులుగా జుంజుమ్మని పాడగా

చిత్రం : శ్రీకృష్ణార్జున యుద్ధం
గానం : ఘంటసాల, పి.సుశీల

చెలికాడు నిన్నే రమ్మని

చెలికాడు నిన్నే రమ్మని పిలువ చేరరావేలా ఇంకా సిగ్గు నీకేలా
ప్రియురాలి మదిలో ఏముందో తెలుసుకోలేవా నన్నే తెలుపమంటావా

నీ నవ్వులో ఏ పువ్వులో పన్నీరు చిలికాయి
కిరణాలలోనేగా సరోజం కిలకిల నవ్వేది హాహా హో హో

నీ అందమే శ్రీగంధమై నాడెందమలరించే
నీరూపమే నాలో ప్రియా నా చూపులు వెలిగించే అహాహా అహా
నీతోడుగా నడయాడగా ఇంకేమి కావాలి
మధురానురాగాలే ఫలించే తరుణం రావాలి.

చిత్రం : కులగోత్రాలు
గానం : ఘంటసాల, పి.సుశీల