జన్మదిన శుభాకాంక్షలు

గానగంధర్వుడికి జన్మదిన శుభాకాంక్షలు....















powered by ODEO

నమ్మకు నమ్మకు

సీకటమ్మ సీకటి ముచ్చటైన సీకటి
యచ్చనైన ఊసులెన్నొ రెచ్చకొట్టు సీకటి
నిన్ను నన్ను రమ్మంది కన్నుగొట్టి సీకటి
ముద్దుగా ఇద్దరికే ఒద్దికైన సీకటి
పొద్దుపొడిపేలేని సీకటే ఉండిపోనీ
మనమధ్య రానీక లోకాన్ని నిద్దరోనీ
రాయే రాయే రావఁచిలకా సద్దుకుపోయే సీకటెనకా …


నమ్మకు నమ్మకు ఈ రేయినీ ..
కమ్ముకు వచ్చిన ఈ మాయనీ ..
నమ్మకు నమ్మకు ఈ రేయినీ ..
అరె ..కమ్ముకు వచ్చిన ఈ మాయనీ
కన్నులు మూసి మత్తులోన మెత్తగ తోసి
నీ కన్నులు మూసి మత్తులోన మెత్తగ తోసి
కలలే వలగా విసిరే చీకట్లను
నమ్మకు నమ్మకు ఈ రేయినీ
అరె కమ్ముకు వచ్చిన ఈ మాయనీ ..


వెన్నెలలోని మసకలలోనె మసలును లోకం అనుకోకు
రవికిరణం కనబడితే తెలియును తేడాలన్నీ
నమ్మకు నమ్మకు .. అరె నమ్మకు నమ్మకు
ఊ ఊ నమ్మకు నమ్మకు ఈ రేయినీ
అరె కమ్ముకు వచ్చిన ఈ మాయనీ ..


ఆకాశం తాకే ఏ మేడకైనా ఆధారం లేదా ఈ నేలలో
ఆకాశం తాకే ఏ మేడకైనా ఆధారం లేదా ఈ నేలలో
పుడమిని చూడని కన్ను నడపదు ముందుకు నిన్ను
నిరసన చూపకు నువ్వు యేనాటికీ ..

పక్కవారి గుండెలనిండా .. చిక్కనైన వేదన నిండ
పక్కవారి గుండెలనిండా .. చిక్కనైన వేదన నిండ
ఏ హాయి రాదోయి నీవైపు మరువకు అది ..
నమ్మకు నమ్మకు
అరె.. నమ్మకు నమ్మకు
ఆహా .. నమ్మకు నమ్మకు ఈ రేయినీ
అరె కమ్ముకు వచ్చిన ఈ మాయనీ ..


శీతాకాలంలో ఏ కోయిలైనా రాగం తీసేనా ఏకాకిలా
శీతాకాలంలో ఏ కోయిలై ….నా రాగం తీసేనా ఏకాకిలా
మురిసే పువ్వులు లేక విరిసే నవ్వులు లేక
ఎవరికి చెందని గానం సాగించునా
పదుగురి సౌఖ్యం పండే దినమే పండుగ కాదా
పదుగురి సౌఖ్యం పండే దినమే పండుగ కాదా
ఆనాడు వాసంత గీతాలు పలుకును కద
నమ్మకు నమ్మకు .. అరె నమ్మకు నమ్మకు
ఆహా … నమ్మకు నమ్మకు ఈ రేయినీ
అహ ..కమ్ముకు వచ్చిన ఈ మాయనీ


కన్నులు మూసి మత్తులోన మెత్తగ తోసి
నీ కన్నులు మూసి మత్తులోన మెత్తగ తోసి
కలలే వలగా విసిరే చీకట్లలో
నమ్మకు నమ్మకు ఈ రేయినీ ..
అరె ..కమ్ముకు వచ్చిన ఈ మాయనీ ..


చిత్రం : రుద్రవీణ
గానం : ఎస్.పి.బాలసుబ్రమణ్యం
రచన : సిరివెన్నెల
సంగీతం : ఇళయరాజా



powered by ODEO

అంతగా నను చూడకు

అంతగా నను చూడకు … ష్… మాటాడకు
అంతగా నను చూడకు .. వింతగా గురి చూడకు వేటాడకు
హోయ్ అంతగా నను చూడకు



చలిచలి గాలులు వీచెను సన్నని మంటలు లేచెను..
చలిచలి గాలులు వీచెను సన్నని మంటలు లేచెను
తలుపులే కవ్వించెను ..వలవుల వీణలు తేలించెనుఅంతగా నను చూడకు … ష్… మాటాడకు
అంతగా నను చూడకు .. వింతగా గురి చూడకు వేటాడకు
హోయ్ అంతగా నను చూడకు


జిలిబిలి ఊహలు రేగెను .. నా చేతులు నీకై సాగెను
జిలిబిలి ఊహలు రేగెను .. నా చేతులు నీకై సాగెను
పెదవులే కవ్వించెను … పదునౌ చూపులు బాధించెను
హోయ్ అంతగా నను చూడకు .. వింతగా గురి చూడకు వేటాడకు
హోయ్ అంతగా నను చూడకు



వాలుగ నిన్నే చూడనీ .. కలకాలము నీలో దాగనీ ..
వాలుగ నిన్నే చూడనీ .. కలకాలము నీలో దాగనీ
నవ్వులే పండించనీ .. పువ్వుల సంకెల బిగించనీ ..
హోయ్ అంతగా నను చూడకు .. ష్ .. మాటాడకు
అంతగా నను చూడకు .. వింతగా గురి చూడకు వేటాడకు
హోయ్ అంతగా నను చూడకు


చిత్రం : మంచిమనిషి
గానం : ఘంటసాల, సుశీల
రచన : డా. సి. నారాయణరెడ్డి
సంగీతం : రాజేశ్వరరావు





powered by ODEO

అడిగానని అనుకోవద్దు

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం
అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం


ఒక్క రాయిని కాలికిందేసి తొక్కుతుఉంటారెందుకు
ఇంకొక్క రాతికి చేతులెత్తుకుని మొక్కుతుఉంటారెందుకు
అది వీధిలోన పడి ఉన్నందుకు .. అది వీధిలోన పడి ఉన్నందుకు
ఇది గుడిలో బొమ్మై కూర్చున్నందుకూ …

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం


మనిషికి ఒక పెళ్ళే చాలంటూ దేవుడు కేటేట పెళ్ళేందుకు
ఊరుమీద పడి చందాలెందుకు
మనిషికి ఒక పెళ్ళే చాలంటూ దేవుడు కేటేట పెళ్ళేందుకు
ఊరుమీద పడి చందాలెందుకు
లోకులు చూచి తరించుటకు … లోకులు చూచి తరించుటకు
పలుగాకుల బొజ్జల పెంచుటకు… పలుగాకుల బొజ్జల పెంచుటకు


మహమ్మదీయులు పిలిచే దేవుడు
క్రైస్తవులంతా కొలిచే దేవుడు
ఏడుకొండల వేంకటేశ్వరుడు గోవిందా .. గోవిందా
శ్రీశైలంలో మల్లికార్జునుడు
వారూ వీరూ ఒకటేనా … వేరువేరుగా ఉన్నారా
శ్రీశైలంలో మల్లికార్జునుడు
వారూ వీరూ ఒకటేనా … వేరువేరుగా ఉన్నారా
సర్వవ్యాపి నారాయణుడు ….
సర్వవ్యాపి నారాయణుడు ఎక్కడ జూచిన ఉంటాడు
ఆ స్వామి కొరకె నే శోధిస్తున్నా .. తీర్ధాలన్నీ తిరుగుతు ఉన్నా
ఆఁ అట్టా రండి దారికి …
అక్కడ ఇక్కడ ఎక్కడ చూచిన దేవుడు ఉంటాడన్నారు
మీరొక్క దెబ్బతో తేల్చారు ..
అక్కడ ఇక్కడ ఎక్కడ చూచిన దేవుడు ఉంటాడన్నారు
మీరొక్క దెబ్బతో తేల్చారు
ఎక్కడ బడితే అక్కడ ఉంటే ఇక్కడకెందుకు వచ్చారు
ఏ రాతికి మొక్కను వచ్చారు

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం

చిత్రం : బాలరాజుకధ
గానం : ఘంటసాల, సుశీల
రచన : కొసరాజు
సంగీతం : కె.వి.మహదేవన్




powered by ODEO

తలనిండ పూదండ

ఆ రజనీకర మోహన బింబము
నీ నగుమోమును బోలునటే
కొలనిలోని నవ కమల దళమ్ములు
నీ నయనమ్ముల బోలునటే
ఎచట చూచిన ఎచట వేచినా
నీ రూపమదే కనిపించినదే


తలనిండ పూదండ దాల్చిన రాణి
మొలక నవ్వుల తోడ మురిపించబోకే
తలనిండ పూదండ దాల్చిన రాణి
మొలక నవ్వుల తోడ మురిపించబోకే


పూలవానలు కురియు మొయిలువో
మొగలిరేగులలోని సొగసువో
పూలవానలు కురియు మొయిలువో
మొగలిరేగులలోని సొగసువో
నా రాణి తలనిండ పూదండ దాల్చిన రాణి
మొలక నవ్వుల తోడ మురిపించబోకే


నీ మాట బాటలో నిండే మందారాలు
నీ పాట తోటలో నిబిడే శృంగారాలు
నీ మాట బాటలో నిండే మందారాలు
నీ పాట తోటలో నిబిడే శృంగారాలు
నీ మేనిలో పచ్చ చేమంతి అందాలూ…
నీ మేనిలో పచ్చ చేమంతి అందాలు
నీ నీలవేణిలో నిలిచే ఆకాశాలు

తలనిండ పూదండ దాల్చిన రాణి
మొలక నవ్వుల తోడ మురిపించబోకే
మొలక నవ్వుల తోడ మురిపించబోకే

గానం : ఘంటసాల వేంకటేశ్వరరావు



powered by ODEO