నీ పేరు తలచిన చాలు

కృష్ణా ………!
నీ పేరు తలచినా చాలు … నీ పేరు తలచినా చాలు
మదిలో పొంగు శతకోటి యమునా తరంగాలు
నీ పేరు తలచినా చాలు
మదిలో పొంగు శతకోటి యమునా తరంగాలు
నీ పేరు తలచినా చాలు

ఏమి మురళి అది ఏమి రవళిరా …
ఏమి మురళి అది ఏమి రవళిరా
పాట వినగ ప్రాణాలు కదలురా
ఏమి మురళి అది ఏమీ రవళిరా
పాట వినగ ప్రాణాలు కదలురా
మురళీధరా నీ స్వరలహరులలో మరణమైనా మధురమురా

నీ పేరు తలచినా చాలు

వెదురు పొదలలో తిరిగి తిరిగి
నీ పదపల్లవములు కందిపోయెనా
వెదురు పొదలలో తిరిగీ తిరిగి
నీ పదపల్లవములు కందిపోయెనా
ఎదపానుపుపై పవళించరా
నా పొదిగిన కౌగిట పులకించరా

నీ పేరు తలచినా చాలు
మదిలో పొంగు శతకోటి యమునా తరంగాలు
నీ పేరు తలచినా చాలు

గోపాలా..!నందబాలా! నవమంజుల మురళీలోలా!
మృదు సమీర సంచిత మనోజ్ఞ కుంతల నమాల పల్లవ జాలా

కృష్ణా ..!నీ పేరు తలచినా చాలు

ఏమి పిలుపు అది ఏమి పిలుపు
బృందానికుంజముల పూలు పూచి
శరబిందుచంద్రికల చేయిచాచి
తరుణాంతరంగమున దాగిదాగి
చెలి అందెలందు చెలరేగి రేగి
నను తొందరించెరా………తొలకరించెరా
తొందరించెరా తొలకరించెరా
వలపు జల్లుగా పలుకరించెరా
చల్లని రమణి చల్లని ఉల్లము
అల్లన ఝల్లన పరవశించెరా…

కృష్ణా …. నీ పేరు తలచినా చాలు…

చిత్రం : ఏకవీర
సంగీతం: కె.వి.మహదేవన్
గాత్రం : పి.సుశీల, యస్.పి.బాలసుబ్రహ్మణ్యం
రచన : డా.సి.నారాయణ రెడ్డి

చిరునవ్వులోని హాయి

చిరునవ్వులోని హాయి
చిలికించె నేటి రేయి
ఏ నాడులేని హాయి
ఈ నాడు కలిగెనోయి (2)

నెలరాజు సైగచేసె
వలరాజు తొంగిచూసె(2)
సిగపూలలోన నగుమొములోన
వగలేవొ చిందులేసె(2)

నయనాల తారవీవె
నా రాజహంస రావె(2)
ఆ..ఆ..ఆ..
నను చెరదీసి
మనసార చూసి పెనవెసి నావు నీవె(2)

పవళించు మేనిలోన
రవళించె రాగవీణ(2)
నీలాలనింగి లోలోనపొంగి
కురిపించె పూలవాన(2)

చిలికించె నేటి రేయి
ఏ నాడులేని హాయి
ఈ నాడు కలిగెనోయి !!

చిత్రం: అగ్గిబరాటా
సంగీతం: విజయా కృష్ణమూర్తి
రచన: C. నారాయణ రెడ్డి
గానం: ఘంటసాల, సుశీల

నీవుంటే వేరే కనులెందుకూ

నీవుంటే వేరే కనులెందుకూ
నీ కంటె వేరే బ్రతుకెందుకూ
నీ బాటలోని.. అడుగులు నావె
నా పాటలోనీ.. మాటలు నీవె

||నీవుంటె వేరే కనులెందుకూ
నీ కంటె వేరే బ్రతుకెందుకూ
నీ బాటలోని.. అడుగులు నావె
నా పాటలోనీ.. మాటలు నీవె
నీవుంటే వేరే కనులెందుకూ||

నా ముందుగ నువ్వుంటే తొలిపొద్దు
నువ్వు చెంతగ లేకుంటే చీకటీ
నా ముందుగ నువ్వుంటే తొలిపొద్దు
నువ్వు చెంతగ లేకుంటే చీకటీ
నీ చేయి తాకితే..తీయని వెన్నెల
చేయి తాకితే.. తీయని వెన్నెల
అలికిడి వింటేనే తొలకరి ఝల్లు

||నీవుంటే వేరే..||

నిన్న రాతిరి ఓ.. కలవచ్చిందీ
ఆ కలలో ఒక దేవత దిగివచ్చిందీ
నిన్న రాతిరి ఓ..కలవచ్చిందీ
ఆ కలలో ఒక దేవత దిగివచ్చిందీ
చందమామ కావాలా.. ఇంద్రధనవు కావాలా
అమ్మ నవ్వు చూడాలా.. అక్క ఎదురు రావాలా
చందమామ కావాలా.. ఇంద్రధనువు కావాలా
అమ్మ నవ్వు చూడాలా.. అక్క ఎదురు రావాలా
అంటు అడిగిందీ దేవత అడిగిందీ
అప్పుడు నేనేమన్నానో తెలుసా

వేరే కనులెందుకనీ నీకంటే..వేరే బ్రతుకెందుకనీ
లాలాల లాల లలలలలాల...
లాలాల లాల లలలలలాల.

చిత్రం : స్నేహం.
సంగీతం : కె.వి.మహదేవన్.
సాహిత్యం : సి.నారాయణరెడ్డి.
గానం: యస్.పి. బాలసుబ్రహ్మణ్యం

ఆకాశం ఏనాటిదో .. అనురాగం ఆనాటిదీ

ఆకాశం ఏనాటిదో .. అనురాగం ఆనాటిదీ
ఆకాశం ఏనాటిదో .. అనురాగం ఆనాటిదీ
ఆవేశం ఏనాడు కలిగెనో .. ఆనాడే తెలిసిందదీ
ఆవేశం ఏనాడు కలిగెనో .. ఆనాడే తెలిసిందదీ

ఆకాశం ఏనాటిదో .. అనురాగం ఆనాటిదీ (2)

ఏ పువ్వూ ఏ తేటిదన్నది .. ఏనాడో రాసున్నదీ
ఏ ముద్దూ ఏ మోవిదన్నది .. ఏ పొద్దో రాసున్నదీ
బంధాలై పెనవేయు వయసుకు .. అందాలే దాసోహమనగా
మందారం విరబూయు పెదవులు .. మధువులనే చవిచూడమనగా

పరువాలే .. ప్రణయాలై
స్వప్నాలే .. స్వర్గాలై
ఎన్నెన్నో శృంగార లీలలు కన్నుల్లో రంగేళి అలదెను

ఆకాశం ఏనాటిదో .. అనురాగం ఆనాటిదీ
ఆవేశం ఏనాడు కలిగెనో .. ఆనాడే తెలిసిందదీ
ఆకాశం ఏనాటిదో .. అనురాగం ఆనాటిదీ

ఏ మేఘం ఏ వాన చినుకై .. చిగురాకై మొలకెత్తెనో
ఏ రాగం ఏ గుండె లోతున .. ఏ గీతం పలికించునో
హృదయాలే తెరతీసి తనువుల కలబోసీ మరపించమనగా
కౌగిలిలో చెరవేసు మదనుని కరిగించీ గెలిపించమనగా

మోహాలే .. దాహాలై
సరసాలే .. సరదాలై
కాలాన్నే నిలవేసి కలలకు ఇవ్వాలీ వెలలేని విలువలు

ఆకాశం ఏనాటిదో .. అనురాగం ఆనాటిదీ
ఆవేశం ఏనాడు కలిగెనో .. ఆనాడే తెలిసిందదీ


చిత్రం: నిరీక్షణ
సంగీతం: ఇళయరాజా
సాహిత్యం: ఆత్రేయ
గానం: ఎస్.జానకి

తెల్లవారనీకు ఈ రేయిని

తెల్లవారనీకు ఈ రేయిని తీరిపోనీకు ఈ తీయని హాయిని
తెల్లవారనీకు ఈ రేయిని తీరిపోనీకు ఈ తీయని హాయిని
తెల్లవారనీకు ఈ రేయిని

నీ కన్నులలో మధువులన్ని జుర్రుకొని
ఆ కైపులో లోకాలే మరువన
నీ కన్నులలో మధువులన్ని జుర్రుకొని
ఆ కైపులో లోకాలే మరువని
మనసులో మనసునై మసలన
మనసులో మనసునై మసలనీ
నీ మనిషినై మమతనై మురిసిపోన
తెల్లవారనీకు ఈ రేయిని తీరిపోనీకు ఈ తీయని హాయిని
తెల్లవారనీకు ఈ రేయిని

నీ కురులే చీకటులై కప్పివేయనీ
ఆ చీకటిలో పగలు రేయి ఒక్కటై పోన
నీ కురులే చీకటులై కప్పివేయనీ
ఆ చీకటిలో పగలు రేయి ఒక్కటై పోనీ
నీ వలపు వాన కురిసి కురిసి తడిసిపోన
నీ వలపు వాన కురిసి కురిసి తడిసిపోన
తడియారని హృదిలో నను మొలకలెత్తన
తెల్లవారనీకు ఈ రేయిని తీరిపోనీకు ఈ తీయని హాయిని
తెల్లవారనీకు ఈ రేయిని

మల్లెపూల తెల్లదనం మనసు నిండనీ
అల్లరి పడుచుదనం కొల్లబోనీ
మల్లెపూల తెల్లదనం మనసు నిండనీ
అల్లరి పడుచుదనం కొల్లబోనీ
కొల్లగొన్న మనసే నా ఇల్లన
కొల్లగొన్న మనసే నా ఇల్లనీ
చల్లగా కాపురమూ ఉండిపోన
తెల్లవారనీకు ఈ రేయిని తీరిపోనీకు ఈ తీయని హాయిని
తెల్లవారనీకు ఈ రేయిని


చిత్రం: ఆత్మబలం
సంగీతం:: KV మహాదేవన్
రచన:: ఆచార్య,ఆత్రేయ
గానం:: ఘంటసాల,P.సుశీల