అందమైన తీగకు

అందమైన తీగకు పందిరుంటే చాలును
పైకి పైకి ప్రాకుతుంది చినదానా
పరవశించి పాడుతుంది చినదానా

పాదులోని తీగవంటిది పడుచు చిన్నది
పరువమొస్తే చిగురువేసి వగలు పోతుంది
మొగ్గ తొడిగి మురిసిపోతూ సిగ్గుపడుతుంటుంది
తగ్గ జతకయి కళ్ళతోనే వెతుకుతుంటుంది

కళ్ళు కళ్ళు కలిసినప్పుడు కలలు వస్తాయి
కన్నెపిల్ల కలలకెపుడో కాళ్ళు వస్తాయి
అడుగులోన అడుగు వేస్తే అందమొస్తుంది
నడువలేని నడకలే ఒక నాట్యమవుతుంది.

చిత్రం : భార్యా బిడ్డలు
గానం : ఘంటసాల