నీటి చిత్రాలు

కొంటె పటముల మీల గొనిరాసె నేడు
కోనేట కిరణాల కుంచె రేరేడు?

పరువమగు జత మీలు
పరుగులిడు రతనాలు
ఎదురు సన్నాహాలు
బెదురు బెదురు సుఖాలు
కొంటె...

సరికిసరి బేరాలు
అరకంట సరసాలు
అలలగని బింబాలు
పలటిల్లు పాశాలు
కొంటె...

నిలువబో కలువ సం
కెలల తగిలిన కాళ్ళు
వలయాల పయనాలు
కళలు వెలసిన మీలు
కొంటె...

ఎంకి కిడి బహుమతులు
యి నీటి చిత్రాలు---
అలసి మునిగెడు మీలు
ఆకాశమున దేలు !
కొంటె...

బొమ్మ వైఖరి కులికి
కొమ్మ మాడిటి కంటి
కొంటె...

రచన : నండూరి సుబ్బారావు
ప్రచురణ: నవరత్న బుక్ హౌస్