రేవెలుగు

ఎవరైన యెపుడైన యేవాడనైన
యింత జాలి గనేర యెంకి చిత్రాలు?

మెయిలు జోరె చంద్రుడని
భయపు మిష నా యెంకి
పూ సజ్జె నా పజ్జ
పోగుపడ -- ఆరటము !
ఎవరైన యెప్పుడైన

మబ్బు వెలువడు చంద
మామ గని, తన చీర
చెరగు మాటిడి నన్ను
జీరు సిగ్గరితనము !
ఎవరైన యెప్పుడైన

కళ్ల ములుకులు దించె
కంఠపాశము లేసె
తరి యనెను ఆకులము
కిరణాలు నువులేని !
ఎవరైన యెపుడైన

దృష్టి తొలగగ తనను
తిలకముగ నే గొనిన
నెలవంక నా రాజు
తులయె యను అతిశయము !
ఎవరైన యెపుడైన

రే వెలుగు గీ వెలుగు
నా వెనుక యడు మతము ! ఎవరైన యెపుడైన

రచన : నండూరి సుబ్బారావు
ప్రచురణ: నవరత్న బుక్ హౌస్