ఎన్నెన్నో జన్మల బంధం నీది నాది..

ఎన్నెన్నో జన్మల బంధం నీదీ నాదీ
ఎన్నటికీ మాయని మమత నాదీ నీదీ
ఒక్క క్షణం నిను వీడి నేనుండలేను
ఒక్క క్షణం నీ విరహం నే తాళలేను
ఎన్నెన్నో

పున్నమి వెన్నెలలోనా పొంగును కడలి
నిన్నే చూసిన వేల నిండును చెలిమి
ఓహో హో హో ..నువ్వు కడలివైతే
నే నదిగ మారి చిందులు వేసి వేసి
నిన్ను చేరనా. చేరనా.. చేరనా!
ఎన్నెన్నో

విరిసిన కుసుమము నీవై కురిపించేవు
జాబిలి నేనై నిన్ను పెనవేసేను
ఓహో హో హో మేఘము నీవై నెమలిని నేనై
ఆడనా.. పాడనా.. ఆడనా !
ఎన్నెన్నో

కోటి జన్మలకైనా కోరేదొకటే
నాలో సగమై ఎపుడూ .. నీవుండాలి
ఓహో హో హో నీ ఉన్నవేళా ఆ స్వర్గమేలా
ఈ పొందు ఎల్ల వేళలందు
ఉండనీ. ఉండనీ.. ఉండనీ..
ఎన్నెన్నో

చిత్రం : పూజ
గానం : ఎస్.పి.బాలసుబ్రహ్మణ్యం, వాణీ జయరాం
రచన : దాశరథి
సంగీతం : రాజన్-నాగేంద్ర