రేపంటి రూపం కంటి

రేపంటి రూపం కంటి
పూవింటి చూపుల వంటి
నీ కంటి చూపుల వెంట నా పరుగంటి
రేపంటి వెలుగే కంటి
పూవింటి దొరనే కంటి
నా కంటి కలలూ కళలూ నీ సొమ్మంటి

నా తోడు నీవైయుంటే
నీ నీడ నేనేనంటే
ఈ జంట కంటే వేరే లేదు లేదంటి - 2
నీ పైన ఆశలు వుంచి ఆపైన కోటలు పెంచి - 2
నీకోసం రేపూ మాపూ వుంటిని నిన్నంటి
రేపంటి


నే మల్లెపువ్వై విరిసి
నీ నల్లని జడలో వెలసి
నీ చల్లని నవ్వుల కలసి వుంటే చాలంటి - 2
నీ కాలి మువ్వల రవళి
నా భావి మోహన మురళి - 2
ఈ రాగసరళి తరలిపోదాం రమ్మంటి
రేపంటి

నీలోని మగసిరితోటి నాలోని సొగసుల పోటి
వేయించి నేనే ఓడిపోనీ పొమ్మంటి
నేనోడి నీవై గెలిచి నీ గెలుపు నాదని తలచి
రాగాలు రంజిలు రోజే రాజీ రమ్మంటి
రేపంటి

చిత్రం : మంచి-చెడు
గానం : ఘంటసాల, పి.సుశీల
రచన : ఆత్రేయ
సంగీతం : విశ్వనాధన్ - రామ్మూర్తి