ఎటో వెళ్ళిపోయింది మనసు

ఎటో వెళ్ళిపోయింది మనసు..
ఇలా ఒంటరయ్యింది వయసు
ఓ చల్లగాలీ.. ఆచూకి తీసి..
కబురియ్యలేవా.. ఏమయిందో!!
II ఎటో వెళ్ళిపోయింది మనసు II

ఎటెళ్ళిందో అది నీకు తెలుసు
ఓ చల్లగాలీ.. ఆ చూకి తీసి.
కబురియ్యలేవా.. ఏమయిందో
ఏమయిందో.. ఏమయిందో

ఏ స్నేహమో.. కావాలనీ
ఇన్నాళ్ళుగా తెలియలేదూ
ఇచ్చేందుకే మనసుందనీ
నాకెవ్వరూ చెప్పలేదూ
చెలిమి చిరునామా.. తెలుసుకోగానే
రెక్కలొచ్చాయో ఏమిటో
II ఎటో వెళ్ళిపోయింది II

కలలన్నవి.. కొలువుండనీ..
కనులుండి ఏం లాభమందీ
ఏ కదలికా.. కనిపించనీ..
శిలలాంటి బ్రతుకెందుకందీ
తోడు ఒకరుంటే.. జీవితం ఎంతో..
వేడుకౌతుందీ అంటూ..
II ఎటో వెళ్ళిపోయింది II

చిత్రం : నిన్నే పెళ్ళాడుతా
గానం : రాజేశ్
రచన : సిరివెన్నెల
సంగీతం : సందీప్ చౌతా