యాడికెళ్ళిందో నా ఎంకి
నన్ను యాది మరిసిందో నా ఎంకి
బతుకు భారమై బస్తీ కెళ్ళిందో
బాట తప్పి తాను ఆగమయ్యిందో 11 యాడి !!
కళ్ళ ముందరా--తిరిగినప్పుడూ
కాయ కష్టమే -- సేసినప్పుడూ
కన్నీరంటే -- ఎరుగలేము ఎంకి -- నా
కంటి రెప్పలా -- సూసుకున్నానే 11 యాడి !!
నీట నారు నాట -- పొలము వెళ్ళగా
దొబ్బ మీసం దొర -- దారి కాసెనా
పట్టెడు గాసము -- సేతిన బోసి
పాము పడకలా --నిన్ను దాచేనా 11 యాడి 11
నాల్గు దిక్కులా -- సిమ్మ సీకట్లూ
నువ్వు పిలిచే -- ఆరుప్ప పప్పుల్లూ
నిన్ను గాన నా -- కళ్ళు చాలవూ
నిన్ను పిలువ నా -- పిలుపు చాలదూ 11 యాడి 11
ఆకసమ్మునా -- హాయిగా పోయే
అందమయినా -- పక్షులారా
జాలి దలచి మీరయినా -- నా ఎంకికి
కబురంపరా 11 యాడి 11
Subscribe to:
Post Comments (Atom)
0 comments:
Post a Comment