నా సిన్ని తమ్ముణ్ణి నా కియ్యరయ్యో!
యేడుకొండలవోడ! యెంకటేశ్వరుడా!
ఇంతోళ్ళ మప్పూడు యీడ నిలుచుంటేని
నన్ను తరిమేసి మావోణ్ణి దాశావంట
నా సిన్ని తమ్ముణ్ణి నా కియ్యరయ్యో!
యేడుకొండలవోడ! యెంకటేశ్వరుడా!
’యీసరికి మరిదీని నే సూడల” దాని
యెంకి కూడా నిన్ను యేడుకోవొచ్చింది!
నా సిన్ని తమ్ముణ్ణి నా కియ్యరయ్యో!
యేడుకొండలవోడ! యెంకటేశ్వరుడా!
’పిల్లోణ్ణి వో పాలి బేగి తెమ్మన’మాని
మాయమ్మ రేతిరి మరిమరి సెప్పింది!
నా సిన్ని తమ్ముణ్ణి నా కియ్యరయ్యో!
యేడుకొండలవోడ! యెంకటేశ్వరుడా!
మా వోళ్ళు సూశాక మల్లి నీ కిస్తాను!
నా సిన్ని తమ్ముణ్ణి నా కియ్యరయ్యో!
యేడుకొండలవోడ! యెంకటేశ్వరుడా!
రచన: నండూరి సుబ్బారావు
ప్రచురణ:నవరత్న బుక్ హౌస్
Subscribe to:
Post Comments (Atom)
0 comments:
Post a Comment