సాలు సాలు

మనిసే సాలు ! మనిసి మాటే సాలు!
మనిసి వోసనే సాలు! మనిసే సాలు!

ఏతాము కెదురుంగ యెంకుంటే సాలు!
వొంటరిగ సిటికేసి కుంట కలిపేను!!

మనిసే సాలు ! మనిసి మాటే సాలు!
మనిసి వోసనే సాలు! మనిసే సాలు!

యెంకి అందెల గలగ లినబడితె సాలు!
కళ్ళు మూసుకు నీరు మళ్ళ కెత్తేను!!

మనిసే సాలు ! మనిసి మాటే సాలు!
మనిసి వోసనే సాలు! మనిసే సాలు!

యెంకి గా లొకసారి యిసిరినా సాలు!
తోటంత రాజల్లె తొవ్వి పోసేను!!

మనిసే సాలు ! మనిసి మాటే సాలు!
మనిసి వోసనే సాలు! మనిసే సాలు!

అందాల నా యెంకి వుందంటె సాలు
నిబ్బరముగా రేత్రి నిదురపొయ్యేను!!

మనిసే సాలు ! మనిసి మాటే సాలు!
మనిసి వోసనే సాలు! మనిసే సాలు!


రచన : నండూరి సుబ్బారావు
ప్రచురణ: నవరత్న బుక్ హౌస్